ВОДАР ЖЫЦЦЯ.

У кожным сваім класе Ала Сцяпанаўна Казлоўская праводзіць “Свята Бульбы”. У гэтым годзе дайшла чарга і да нас. Мы вельмі старанна рыхтаваліся да яго: вучылі вершы, песні, танцы. Вялікую дапамогу у падрыхтоўцы музычных нумароў нам аказала Святлана Аляксандраўна Цымкала. Вельмі спадабаліся нам нацыянальныя касцюмы, якія ёсць у нашай школе. Кожная дзяўчынка з нашага класа выглядала вельмі прыгожа, а хлопчыкі, як апранулі кашулі з нацыянальным арнаментам, дык здаецца адразу сталі дарослымі. І вось надыйшоў дзень свята. Наш клас ператварыўся ў святочную пляцоўку. На дошцы быў замацаваны дэвіз “Пах бульбы – гэта не проста пах, а водар жыцця”(Янка Брыль). Да 11 гадзін пачалі збірацца госці : нашы матулі, таты і бабулі. Яны вельмі хваляваліся, нават болей за нас. Яшчэ да нас завіталі былыя вучні Алы Сцяпанаўны з 7 і 11 класаў і нашы таварышы з 3”А”. І вось свята пачалося! Загучалі вершы, песні, частушкі. Напрыклад:
Смачна бульба з каўбасою,
Смачна бульба з агурком,
Смачна бульба з саланінай,
Смачна бульба з селядцом!
Потым былі разнастайныя спаборніцтвы : конкурсы, віктарыны. Усім, хто правільна адказваў на пытанні, давалі прыз – дранік. Вельмі усім прыйшліся да спадобы конкурсы, дзе трэба было сабраць бульбу з завязанымі вачыма, абабраць бульбу, станцаваць з партнёрам, трымаючы бульбіну паміж ілбамі.
Мы і не заўважылі, як свята падыйшло да канца. І вось гучыць песня “Бывайце здаровы, жывіце багата…” Вельмі цёплыя словы ад імя гасцей сказала нам Святлана Міхайлаўна Замяціна.
А працяг свята адбыўся ў нашай школьнай сталоўцы, дзе мы з задавальненнем спрабавалі стравы з бульбы, прыгатаваныя нашымі роднымі. Там былі дранікі, “бабка”, “калдуны”, клёцкі, варэнікі, “вожыкі”і іншыя смачныя стравы. Усе былі вельмі задаволены.
Хочацца спадзявацца, што, калі Ала Сцяпанаўна будзе праводзіць свята з другім класам, яна абавязкова нас запросіць да сябе.

Сакалоўская Аня, 3Б клас